Ezagutu 2022an gizarte-zerbitzuetan eta -prestazioetan egindako jarduera garrantzitsuenak. Memoria hau kontsultarako tresna bat da, Gizarte Politiketako Departamentuaren jardueren ikuspegi orokorra eta zeharkakoa ematen duena.
Erakundeetan berdintasuna sustatzeko jardunbide egokiak
Urriaren 26an, Orona Fundazioaren auditoriumean (Hernani), jardunaldi berri bat egin zen gizarteratzearen eta indarkeria matxistaren biktima diren emakumeei arreta ematearen arloko kudeaketarekin eta esku-hartzearekin lotuta, Euskaliten Kudeaketa Aurreratuaren Europar Astearen esparruan. Oraingo honetan, erakundeetan berdintasuna sustatzeari buruzkoa izan zen jardunaldia, eta emakumeen eta gizonen arteko berdintasuna sustatzeko, aniztasuna kudeatzeko edo jazarpena edo indarkeria matxista prebenitzeko esperientziak landu ziren.
Ebaluazioa eta kalitatea gizarte zerbitzuetan
Ikus itzazu pasa den ekainean izan zen mugaz gaindiko mintegiaren bideo eta aurkezpenak, non gizarte-zerbitzuen kalitatea ebaluatzeko esperientziak, ikaskuntzak eta tresnak partekatu ziren, ebaluazio, ikuskapen, kontu-emate eta gardentasun mekanismoetan sakondu eta emaitzak pertsonen bizi kalitatea hobetzeari dagokionez baloratu ahal izateko helburuarekin.
Ezagutu nahi duzu zure herriaren egoera?
Udalen datuak atalean, Behagi-Gipuzkoako Gizarte Behatokian eskuragarri dauden udalerrien inguruko adierazle nagusiak biltzen dituzten buletin berriak deskarga daitezke. Besteak beste, ezaugarri soziodemografiko, mendetasun eta ezintasun-egoeran dauden pertsona eta zerbitzu eta prestazio ekonomiko nagusien estalduren inguruko datuak eskaintzen dira. Halaber, udal-adierazle adierazgarrienen aukeraketa azaltzen da sexuaren arabera bereizia, non eskualde eta lurraldeko datuak ere agertzen diren.
Udalen datuak
Ezagutu udalerri bakoitzaren egoera
Zentroen direktorioa
Txostenak
DENAK IKUSI
Gizarte Politiketako Departamentua. Gipuzkoako Foru Aldundia, Donostia-San Sebastián, 2023, 458 or.